Qidirish uchun yozing

Muhim

МИБ директори Қашқадарёда сайёр қабул ўтказди

  Ulashish

Бош прокуратура ҳузуридаги Мажбурий ижро бюроси директори Ботир Қудратхўжаев Қашқадарё вилоятида сайёр қабул ўтказди. Бу ҳақда МИБ Қашқадарё вилоят бошқармаси матбуот хизмати хабар бермоқда.

Хусусан, жорий йилнинг 28 июнь куни Яккабоғ туманида вилоятнинг Шаҳрисабз шаҳар, Шаҳрисабз, Китоб, Яккабоғ, Чироқчи, Қамаши ва Деҳқонобод туманлари аҳолиси учун сайёр қабул ўтказилди.

Шунингдек, 29 июнь куни Қарши шаҳрида вилоятнинг Қарши шаҳар, Қарши, Миришкор, Касби, Косон, Муборак, Нишон, Ғузор туманлари аҳолиси учун сайёр қабул бўлиб ўтди.

Тадбирлар давомида, фуқаролар ва юридик шахсларнинг мурожаатлари эшитилди, мурожаатлар бўйича фуқароларни қийнаётган муаммолари, таклиф ва мулоҳазалари тингланиб, уларни жойида бартараф этиш чоралари кўрилди, айримлари масъуллар назоратига олинди.
Фуқаро Э.Усмоновнинг қарздорликни ундириш бўйича мурожаати ўрганилиб, мурожаатчига 10 млн. сўм зарар пуллари ундириб берилиши таъминланди.

Ҳудди шундай, фуқаро М.Соибовнинг зарар ундириш ҳақидаги мурожаати қабул давомида ижобий ҳал этилиб, Бюро директорига миннатдорчилик билдирилди.

Fikr bildiring

Sizning elektron pochtangiz ko`rsatilmaydi.