Qidirish uchun yozing

Voqea

Shavkat Mirziyoyev Birlashgan Arab Amirliklariga jo‘nab ketdi

  Ulashish

O‘zbekiston Respublikasi Prezidenti Shavkat Mirziyoyev Abu-Dabi Amirligi valiahdi Muhammad bin Zoid Ol Nahayonning taklifiga binoan 24 mart kuni rasmiy tashrif bilan Birlashgan Arab Amirliklariga jo‘nab ketdi.
O’zA xabariga ko’ra Prezident tashrif davomida Abu Dabi Amirligi valiahdi, Birlashgan Arab Amirliklari Qurolli kuchlari Oliy bosh qo‘mondoni o‘rinbosari Shayx Muhammad bin Zoid Ol Nahayon hamda BAA vitse-prezidenti, Bosh vaziri, Dubay amiri Shayx Muhammad bin Roshid Ol Maktum bilan uchrashadi.
Muzokaralarda ko‘p qirrali ikki tomonlama hamkorlikni yanada kengaytirish, savdo-iqtisodiy, investitsiyaviy, innovatsion, bank-moliya, madaniy-gumanitar va boshqa sohalardagi aloqalarni mustahkamlash masalalari muhokama qilinadi.
Shuningdek, xalqaro va mintaqaviy siyosatning dolzarb masalalari yuzasidan fikr almashiladi.
Tashrif yakunida O‘zbekiston bilan Birlashgan Arab Amirliklari o‘rtasida ikki tomonlama qator hujjatlarni imzolash ko‘zda tutilgan.
Bundan tashqari, davlatimiz rahbari “Masdar-siti” texnoparki faoliyati bilan tanishishi, qator sanoat, ijtimoiy va boshqa ob’ektlarga tashrif buyurishi rejalashtirilgan.

Fikr bildiring

Sizning elektron pochtangiz ko`rsatilmaydi.